Конкурс-фестивальын быгатонлыксэс вылӥ дунъязы

Татышлы ёросысь Вылысь Татышлыысь нылпиослы искусствоя школалэн Выль Татышлыысь филиалаз дышетскись нылпиос пӧртэм конкурсъёсын кужымзэс мертало.

Шумпотоно, соослэн быгатонлыкъёссы ӵемысь вылӥ дунъямын луо. Кылсярысь, алигес ӟуч калык инструментъёсъя ансамбль «Глобальный ритм» но «Креатив фест» калыккуспо конкурс-фестивале пыриськиз. Таиз ужрадын но нылпиос жюриез крезьгуро инструментъёсын усто шудэменызы паймытӥзы. Ансамбль, кудаз пырисько Эмилия Бадртдинова, Карина Зидиярова но Варвара Манапова, 1-тӥ степеньысь лауреатлэн дипломеныз пусъемын. Нылъёсты конкурсэ дасяз дышетӥсьсы Ф. В. Кабипянов.

Фото: Детская школа искусств Татышлинский район