Егитъёслэн слётсы ортчиз

Огазеяськонлэн азьветлӥсьёсыныз пумиськонэ Башкортостанлэн тӧроез Радий Хабиров вуылӥз. Егитъёслы ужрад Чишма ёросын, Россиысь Геройлэсь М. Серафимовлэсь нимзэ нуллӥсь «Патриот» военно-патриотической паркын, ортчиз. Регионэн кивалтӥсьлэн кылъёсызъя, та огазеяськонэ пыриськыны мылкыд карисьёслэн лыдзы арысь аре йылэ. «Средней профессиональной тодон-валан басьтон ӧрын асьмелэн регионмы нырысетӥос пӧлын луэ: республикаысь 92 колледжын 120 сюрс студент дышетске. 2023-тӥ арын конкурслэн региональной этапаз 1106 адями пыриськиз, нош туэ та лыдпус 30 сюрслы матэ луэ. Рабочей профессилы дышетскыны мылкыд карисьёс трос. Ужась киос туннэ туж кулэ, со понна уждун но ӟеч тыро. Туала егитъёс – шаермылэн вуоноез. Тӥледлы туала оборудованиен ужано луоз», - вераз Радий Фаритович. Солэн кылъёсызъя, колледжъёсысь студентъёслы пыр-поч дышетсконо, выль компетенциосты валан вылысь. Республикамы коледжъёсын дышетскисьёс понна ӟеч луонлыкъёс кылдытон сярысь сюлмаське. «Берлось ньыль ар куспын 32 колледжын тупатон ужъёс лэсьтэмын. Таяз арын витьсэ тупатыны малпамын», - пусйиз Р. Хабиров.

«Профессионалы» быдэсросси движениын Башкортостанлэн командаез дас устоосыз пӧлын лыдъяське. «Кылем арын асьмелэнъёс 42 медаль басьтӥзы. Со пӧлысь укмысэз – зарни», - вера регионэн кивалтӥсь.

Фото: Олег Яровиков | ИА «Башинформ».