Удмурт калыклэн лулчеберетэзлы сӥзем толэзь йылпумъяськиз

 Табере киысь кие выжись кубок бигеръёслэн центразы вуиз. Сое Удмурт лулчеберетъя толэзез йылпумъян но Россиысь калыкъёслэн огъя луон арзы улсын радъяськем концертын сётӥзы. 24-тӥ южтолэзе городысь лулчеберетъя центрын башкир, ӟуч, бигер, пор, удмурт но армян кырӟан гуръёс чузъяськизы. Ужрадын городысь удмурт калыклэсь лулчеберетсэ азинтонэ бадӟым кужымзэс сётӥсьёсты данъязы. Татьяна Гилимзянова, Ирина Алфёрова, Левитан Габидуллин, Вероника Атнагулова, Элеонора Зайдуллина но Гузель Шарапова культурая управленилэсь Тау карон гожтэтсэ басьтӥзы. «Лулчеберет огазея, кужым сётэ. Та нуналэ городысь пӧртэм калыкъёс огазеяськизы,- вераз лулчеберетъя йӧскалык центрен кивалтӥсь Гульнара Гилимханова. – Асьмеос одӥг бадӟым семья выллем луиськом».

Пыр-почгес лыдӟыны быгатоды газетмылэн вуоно номерысьтыз.