Россиысь Геройлы сӥзем ужрад ортчиз

Нимысьтыз военной операциын геройлыко бырем ожгарчиез буре вайыны гуртысьтызы гинэ ӧвӧл, ёросысь но  куноос вуизы. Озьы Игорь Леонидовичлэн быремез дырысен ньыль ар тырмон лыдпуслы сӥзем ужрадэ Янаулысь ньылетӥ номеро школаысь кивалтӥсьлэн визьноданъя воштӥсез Н.В. Милюкова но кенешчиез Д.Ф. Гарифуллина, историяя дышетӥсь Р.З. Нуртдинова, БР-ысь удмуртъёслэн НКЦ-енызы кивалтӥсьсылэн Янаул ёросъя воштӥсез Ю.С. Саитов, Вуж Вараш гурт поселенилэн тӧроез Э.М. Минликузина но Игорь Насибуллинлэн анай-атаез пыриськизы.

Ужрад ожгарчилэн мемориалэз доры сяська понон йылолэн усьтӥськиз. Та нуналэ егит ожгарчилэн геройлыко быремез пумысен трос шуныт но сюлэмез позыртӥсь кылъёс чузъяськизы. Нош Янаулысь но Вуж Вараш школаосысь нылпиос офицер-танкистэз кылбуръёссы но кырӟанъёссы пыр данъязы.

Тодады вайытӥськом, Янаулысь ньылетӥ номеро школа Россиысь Геройлэсь Игорь Насибуллинлэсь нимзэ нуллэ.  Школалэн кивалтэтэз ожгарчилэсь анай-атайзэ котьку сӥлы каре. Берло ортчем ужрадын но Роза Хабибзяновнаез но Леонид Гыльмияровичез синпель кузьымен пусйизы.

Фото: МБОУ СОШ г. Янаул