+22 °С
Зоръёслэн
Общество
23 южтолэзь , 07:00
Егит семьяослы юрттон
Россиысь правительстволэн вице-премьерез Татьяна Голикова «Семья» нацпроектъя заседание радъяз.
Егит семьяослы юрттон
Солэн кылъёсызъя, «Семья» нацпроект улсын егит семьяослы кун юрттэт возьматон радъямын. 2025-тӥ арын вылӥ тодон-валан басьтон юртъёсын анайёс но нуныос понна 258 висъет кылдытэмын. «Дышетскись егит анай-атайёслы нуны вордыны, сое визьноданы 2еч луонлыкъёс кылдо.2026-тӥ арысен студентъёслэн семьяязы нуны вордӥське ке, кунмы одӥг пол 200 сюрс манет коньдон тыре», вераз вице-премьер.
Заседание Россиысь но регионъёсысь Ужъя министерствоосын, Тазалыкез утёнъя министерствоосын, дышетонъя министерствоосын, Культурая министерствоосынужасьёс пыриськизы. Кенешонын проект улсын быдэстэм ужъёс, азьланезлы ужпумъёс сярысь вераськизы.
