Россиысь калыкъёслэсь огъя луон арзэс усьтӥзы

 «Пермь шаерын 120-лэсь трос пӧртэм калыкъёс уло. Асьмелы сям-йылолъёсмес утён но соосты пиналъёсмылы выжтон сярысь сюлмаськоно», - вераз Д. Махонин. Ужрадын калыкъёслэсь эшлыко кусыпъёссэс утён бордын бадӟым уж нуэмзы понна мерлыко огазеяськонъёслы тау карон гожтэтъёс сётӥзы. Та нуналэ Пермь шаерысь удмурт огазеяськонлэсь данъетсэ соин кивалтӥсь А. Ш. Туктагулова басьтӥз. Нош Бадӟым Гондырысь культура юртын ужась Ф. С. Гарифуллинаез «За вклад в сохранение и развитие культуры народов России» номинациын лауреатлэн кыкетӥ степенё дипломеныз данъязы.