«Программа поддержки местных инициатив» конкурсэ заявкаосты кутэмысь дугдӥзы

Отчы ваньзэ 989 заявка вуиз. Со сярысь Башкортостанысь финансъёсъя министрлэсь ужзэ быдэсъясь Светлана Малинская вераз. Солэн кылъёсызъя, тросэз проектъёс школаосы, нылпи садъёсы пӧртэм оборудование басьтонэн но юрт котыръёсты тупатонэн герӟаськемын. Кыкетӥ интыын луэ сюресъёсты тупатон, куинетӥ интыын – благоустройство.  Тросгес заявкаос вуизы Туймазы, Баймак, Мелеуз ёросъёсысь, Уфаысь, Стерлитамакысь, Нефтекамскысь но Салаватысь. Та вакытэ ужкагазъёсты эскеронэн герӟаськем ужъёс азинтӥсько. Проектэз быдэстон понна республика бюджетысь одӥг проектлы 1 млн 200 сюрс манетозь коньдон сётӥське. 2025-тӥ арын огъя 700 млн манет коньдон висъяськиз.