Пичи ныл анаезлэсь коньдонзэ пӧяськисьёслы келяз

Берло тодмо луиз: нылкышнолэн пичи нылыз интернет-шудонэн шудэм. Бӧрысь солы одӥгаз мессенджераз тодмотэм адями гожтэм, интернет-шудонлы бонус сётоз шуыса. Зэм, со понна солы анаезлэн телефонэз, пе, кулэ луоз. Пичи ныл, тодмотэм адямилэн кылъёсызлы оскыса, солэсь вань куронзэ быдэстӥз. Берло телефонзэ анаезлы сётӥз.

Ӵукна нылкышно валатскиз, картаысьтыз коньдонэз ышем шуыса. Собере нылыз вераз, телефон пыр тодмотэм адямиен вераськиз шуыса.

Пӧяськисьёс  нылкышно вылэ 270 манет тыр кредит карта усьтӥллям, одӥг картаысьтыз 60 сюрслэсь трос коньдонзэ талаллям, мукетысьтыз – 36 сюрс манетлэсь тросгес. Нылкышнолэсь счётъёссэ банкын дыраз ӧй пытсасалзы ке, та лыдпус трослы бадӟымгес луысал.  

Туспуктэм: Лениза Закирова (Аскинская новь)