+28 °С
Салкым
Общество
18 южтолэзь , 09:10
Башкортостанысь дышетӥсьёсты но дышетскисьёсты конкурсэ пыриськыны ӧтё
Удмурт Элькунысь Кузебай Герд нимо гимназия Башкортостанысь дышетӥсьёсты но дышетскисьёсты «Улэп кыл» регионъёс куспысь вожвылъяськонэ пыриськыны ӧте. Россиысь калыкъёслэн огъя луон арзы улсын радъяськись конкурсын ӟуч, удмурт, бигер но пор прозаез учкытэк верано.
Башкортостанысь дышетӥсьёсты но дышетскисьёсты конкурсэ пыриськыны ӧтё
Отчы дышетӥсьёс но визьнодасьёс, 1-11-тӥ классъёсын дышетскись пиналъёс пыриськыны быгато. Конкурслэн зачной этапез 2-31-тӥ южтолэзе ортчоз. Отчы прозалэсь люкетсэ лыдӟемдэс видеое уськытыса (куинь минутозь) келяно. Вормисьёс конкурслэн очной этапаз 26-тӥ оштолэзе пумиськозы. Конкурслэсь положенизэ Кузебай Герд нимо гимназилэн вотэс бамысьтыз лыдӟыны быгатоды.
