Удмуртъёс чуваш культураен тодматскизы

Та нуналъёсы Гожан гуртысь «Пинал сюлэм» ансамбль Калыкъёслэн огъя луон арзы улсын Дойная гуртэ концерт программаен вуиз. Ӟуч но чуваш лулчебертэн пыӵам дуннеын удмуртъёсты шумпотыса пумитазы. Сцена вылын ог-огзэс чебер но задор кырӟан-эктонъёсын шумпоттэмлэсь сяна, кузёос вуэм куноослы тунсыко программа дасязы. Дойная гуртысь культорганизатор гожанъёсты чуваш калыклэн узыр пушдуннееныз тодматӥз. Йӧскалык дӥськутъёс, юрт котырын кутӥськись тӥрлыкъёс пыр куноос чуваш калыклэн вашкала улоназ вуизы.  Со сяна, та нуналэ гожанъёсты чуваш калыклэн сюан ортчытон сям-йылолэныз паймытӥзы.

Озьы огшоры пумиськон ӝыт удмуртъёслы чувашъёслэн дуннеязы тунсыко экскурсилы пӧрмиз. Гожанъёс кунооысь ӝутскем мылкыдын но трос выль тодон-валанъёсын доразы берытскизы.

Фото: Гожанский сельский клуб