"Горд Кужим" СПК-ын тыршисьёс пӧлын ӵошатскон ортчиз

Та нуналъёсы но отын трос куараос чузъяськизы – нылкышноос но пиосмуртъёс миниволеен шудӥзы. Ӵошатсконэ «Горд Кужим» СПК-ын ужасьёс пыриськизы. Кужымзэс эскерыны мылкыд каризы нырысетӥ но кыкетӥ номеро МТФ-ын ужасьёс, трактористъёс, администрациын, правлениын ужасьёс. Шаермес утисьёслэн но Нылкышноослэн нуналъёссылы сӥзем ӵошатсконын нырысетӥ номеро МТФ-ысь ужасьёслы вуисьёс ӧз луэ – соос нырысетӥ интыын. Кыкетӥ интыын – трактористъёс, куинетӥын – администрациын но правлениын ужасьёс. «Горд Кужим» СПК-ен кивалтӥсь  А. С. Муланурова ӵошатсконэ пыриськисьёсты синпель кузьымъёсын шумпоттӥз.