Нылкышноос волейболэн шудӥзы

Нылкышноослэн нуналзылы сӥзем турнирын ӟырдыт но чебер шудон возьматӥзы дышетӥсьёслэн, «АгроТанып» СПК-ын ужасьёслэн но Калмияр гурт поселениысь волейболэз яратӥсьёслэн командаоссы. Спорт ужрадлэн йылпумъянъёсызъя, ӵошатсконын дышетӥсьёслэн командазы нырысетӥ интые потӥз. Гурт поселениысь волейболэз яратӥсьёслэн командазы кыкетӥ луиз. Нош гурт хозяйствоын ужасьёс куинетӥ интые кылизы.

Та нуналэ ӵошатсконэ люкаськем нылкышноосты Калмияр гурт поселениен кивалтӥсь П.М. Мардамшин ӟечкылаз. Аскивалтэтлэн юрттэменыз, волейболэн шудӥсьёсты пичияк кузьымъёсын но шумпоттӥзы – соосты коньдон сертификатэн пусйизы.