Фестиваль республикаысь пӧртэм калыкъёсты огазеяз

Калыкъёслэн огъя луон арзылы, Бадӟым но эшлыко семьялэн арезлы сӥзем ужрадэ республикаысь вить семьяос пыриськизы. Отын удмуртъёслэсь тазалыко улонэн эшъяськемзэс но узыр лулчеберетсэс возьматӥзы Татышлы ёросысь Бальзугаысь Мухаметзяновъёс, ӟучъёслэсь – Бирск ёросысь Каменникиысь Калининъёс, бигеръёслэсь – Караидель ёросысь Тайкашысь Миняхметовъёс, башкиръёслэсь – Мишкино ёросысь Бадӟым Шадыысь Арслановъёс, поръёслэсь – Мишкино ёросысь Кайраковоысь Васинкинъёс. Семьяос пӧртэм конкурсъёсын кужымзэс мертазы. Соос пу вандӥзы но пильылӥзы, тукмач вандӥзы, пукыӵен ыбылӥськизы, куасэн ӵошатскизы, кырӟазы но эктӥзы.

Со сяна, та нуналэ шутэтскыны лыктэм куноослы пӧртэм мастер-классъёс, ярмарка, фотозона ужаз, творческой коллективъёс кырӟанъёс но эктонъёс кузьмазы.