Пудо утисьёслэн одӥгез нуналзы шудогес луиз

Вуж Шагиртысь культура юртысь «Рябинушка» коллектив (квалтӥсез К.В. Кокорина) но «Инвожо» ансамбль (кивалтӥсез Л.В. Гильзатова) Альняш гуртысь «Перспектива» ООО-ын ужась пудо утисьёс понна шутэтскон программа дасязы. Нылкышноослэн нуналзылы сӥзем ужрадэ Альняшысь гинэ ӧвӧл, Удмурт Шагиртысь но скал фермаын тыршисьёс люкаськизы.

Праздник программаез усьтыса но кышномуртъёсты тулыслэн тужгес но чебер нуналэныз ӟечкыласа «Перспектива» ООО-лэн кивалтӥсез Т.И. Глухова вераськиз. Татьяна Ивановна нылкышноослы ваньзэ умойзэ гинэ сӥзиз. Озьы ик кивалтӥсь Вуж Шагиртысь культура юртын ужасьёслы но праздникез радъяны юрттӥсьёслы тау карон кылъёссэ вераз.

 Ужрад фермаын ик радъяськиз. Ужасьёслы концерт программаез татысь шутэтскон сэрегын ортчытӥзы. Коллективъёс пудо утисьёслы яркытэсь но шулдыресь кырӟан-эктонъёс кузьмазы, конкурсъёс радъязы.

Праздник нуналъёсты ужын ортчытыны дышем адямиос огвакытлы ужзы сярысь вунэтӥзы. Котыр омырын шумпотонэн но шудбурен тырмем мылкыд поръяз. Вуж Шагиртысь культура юртын ужасьёслэн,»Инвожо» но «Рябинушка» коллективъёслэн тыршеменызы, гурт удысын ужасьёслэн одӥгез нуналзы шудогез луиз.

Фото: Старошагиртский дом культуры