Шаермес утисьёслэн анайёсынызы, кузпалъёсынызы пумиськон ортчиз

Отчы нимысьтыз военной операцие пыриськисьёслэн анайёссы, кузпалъёссы пыриськизы. Ужрадэ Янаулысь 1-тӥ номеро школаын бадӟым классъёсын дышетскисьёс но вуизы. Соос ож лудын луэм учыръёс, шаермес утисьёслэн кузпалъёссылэн, анайёссылэн сюлмаськонъёссы сярысь вераськизы: Исмагиловъёслэн, Куснияровъёслэн, Низамовъёслэн, Нуртдиновъёслэн, Шибановъёслэн семьяоссы сярысь тодӥзы.

Та ӝытэз концерт номеръёс шулдыртӥзы. Со сяна, кылбур чуръёс чузъяськизы. Надежда Кусниярова (туспуктэм вылын паллянысез), кылсярысь, аслаз кылбуръёсыныз тодматӥз.

Барабановкаысь Куснияровъёслэн Арсений пизы – военной. «2013-тӥ арын Сандугачысь шор ёзо школаез йылпумъяса, Арсений Пермьысь военной институтэ пыриз, тыловой факультетын дышетскиз. Отысен сое Южной округе лэзизы: Ростов улосвылысь Новочеркасской воинской часте. Тодӥськом, шаермес утисьлэн ужез секыт. Нош мар карод? Котькуд военной дась луыны кулэ улонлэн пӧртэм эскеронъёсызлы – кышкытлыкъёслы но, секытлыкъёслы но. Нимысьтыз военной операцие пыриськисьёслэн семьяоссылы, матысьёссылы но туж секыт. Нылкышно сюлмын кайгу-куректон улэ, кинлэн пиез, кузпалыз яке атаез тушмонлы пумит сылэ. Мар каре сыӵе дыръя анай? Вӧсяськон, Инмарлэсь ӟечсэ курон сяна, номыр уд кары. Шуныт, небыт кылъёсын юрттыны тыршиськом», - вераз пумиськыкумы Н. Кусниярова.  

Фото: Янаульские зори