+22 °С
Зоръёслэн
Общество
4 южтолэзь , 04:18
Башкортостанысь арлыдо кузпалъёс 7,5 миллион манет коньдонзэс ыштӥзы
Туймазы ёросысь арлыдо кузпалъёс трос коньдонзэс ыштӥзы. Башкортостан Республикая МВД-лэн ивортэмезъя, соос кӧня ке толэзь ӵоже пӧяськисьёсын кусып возиллям, коньдонзэс «безопасной счётъёсы» выжтыса улӥллям.
Башкортостанысь арлыдо кузпалъёс 7,5 миллион манет коньдонзэс ыштӥзы
Пӧяськисьёс кузпалъёслэсь коньдонзэс пӧртэм амалэн таланы тыршизы. Берло шуизы, соослэсь ваньбурзэс палэнэ выжтыны курадӟо. Таӵе кылъёсты кылыса, арлыдоос тодмотэм адямиослы быдэсак оскизы. «Спецслужбаос», кузпалъёслэсь вань коньдонзэс таламы шуыса валамзы бере, ышизы. Кӧня ке толэзь ортчыса, арлыдоос шӧдӥзы, соослы коньдонзэс нокин уз берыкты ни шуыса.
Туспуктэм: Галия Валиева.
