0 °С
Лымы
Вань иворъёс
Общество
3 южтолэзь , 21:48
Куиськонъя мастер-класс нылпиослы выль тодон-валанъёс сётӥз
Бурай ёросысь Байшады гуртын удмурт калыклэн сям-йылолъёсыз но лулчеберетэз юн возисько. Татысь калык выжыоссэ уг вунэты, будӥсь нылпиослы но анай кылзэс гажан мылкыд пыӵатыны тырше.
Куиськонъя мастер-класс нылпиослы выль тодон-валанъёс сётӥз
Та нуналъёсы гуртысьтызы культорганизатор Резеда Шагиева нылпиослы «Нить времени» куиськонъя мастер класс ортчытӥз. Ужрадэ пыриськисьёс огвакытлы вашкала удмурт дуннее шедизы. Угось туала улонын куиськон тӥрлыкез шер гинэ адӟыны луоз. Нош азьвыл куиськись кышномуртэ котькуд коркаысь пумитасалыд.
Мастер-классын нылпиос куиськон ужлэн луонлыкъёсыныз тодматскизы. Асьсэос но пӧртмаськись сӥньысъёсын ужаса оскалтӥзы.
Ужрад нылпиослы выль тодон-валанъёс кузьмаз. Нылъёс тужгес но синмаськизы куиськон ужлы. Оло азьпалан соос пӧлысь кибашлы куиськись будоз.
Фото: Байшадинский сельский клуб Бураевского района
Новости партнеров