-19 °С
Салкым
Вань иворъёс
Общество
24 февраль , 21:40
Пичи гуртын улон пӧзе
Банибаш - Янаул ёросысь Истяк гурт поселениысь удмурт гурт. Отын улӥсез 80 пала. Тросэз - арлыдоос. Озьы ке но гуртын улон "пӧзе". Банибашъёс гурт поселениязы, ёросын ортчись ужрадъёсы мылысь-кыдысь пырисько. Вашккала сям-йылолъёсты но соос сӥлы каро. Йылол праздникъёс но татын паськыт ортчо. "Вӧй келянэ" но Банибаше трос калык люкаськиз. Гуртын улӥсьёс та ужрадэ ваньзы ӵош дасяськизы.
Пичи гуртын улон пӧзе
- 22-тӥ феврале пӧртэм интыосын толэз келян ужрадъёс ортчо бере, банибашъёс но сое пусйытэк ӧз кельтэ. Шудонъёс, ӵошатсконъёс, эктонъёс, кырӟанъёс, самоварысь чай, ӝӧквыл тыр пыжиськемъёс - гуртын ӵаш! вазиз, - гожтэ вк вотэс бамаз шулдыръяськонэ ветлэмез сярысь Янаулысь Алефтина Хайдаршина. - Банибашын калык туж тупаса улэ. "Вӧй келянэ" но соос пыр-поч дасяськиллям.
Банибашъёс одӥг семьяын кадь уло. Ужаны но, шутэтскыны но соос ӵошен пото. Соослэсь огкылысь луэмзэс возьматӥз Выль аре дасяськемзы но: арлэн валтӥсь праздниказ гуртэз шулдытонъя ёрос конкурсын Банибаш нырысетӥ интыын луиз.
Фото: Совет СП Истякский сельсовет
Новости партнеров