-12 °С
Салкым
Вань иворъёс
Общество
23 февраль , 09:05
Тушмонлы пумит кышкатэк вамыштэ
Пиосмуртъёслы озьы гожтэмын – кулэ ке, соос шаермес утисьёслэн радазы ӝегатскытэк султо. Быдӟым Атыкай оже, Афганистанын но Чечняын луэм военной конфликтъёсы, туннэ нимысьтыз военной операцие пыриськисьёслэсь подвигъёссэс номырин уд ӵошаты. Укмыстонэтӥ танковой дивизилэн 428-тӥ мотострелковой полкез. Башкортостанлэн тӧроезлэн РФ-ысь йӧскалык гвардилэн войскоосыныз кусып возёнъя советникезлэн Артур Юмагужинлэн кылъёсызъя, татысь ожгарчиослэн 90 процентлы матэез Башкортостанысь луо. Тросэз – мобилизованнойёс. Татышлы ёросысь Улысь Балтачысь «Гном» позывноен ожгарчи но соос пӧлын. Нимысьтыз военной операция кутскем дырысен ни со тушмонлы пумит сылэ, азяз пуктэм ужпумъёсты кышкатэк быдэсъя.
Тушмонлы пумит кышкатэк вамыштэ
Гномлы пӧртэм учыръёсын пумиськоно, секытлыкъёсты пыр потоно луиз. Мобилизация кутскем бере Казаньын учениосты ортчыса, со одӥг толэзь Ростов улосвылысь Миллеровоын луэм. 2023-тӥ арын толшор толэзьын ЛНР-е пыриллям: Северодонецкын, Кременнойын луиллям. Кременнойын одӥг ар ӵоже оборонаын сылӥллям. Ожгарчиос отын улӥсьёслы, сӧсырмемъёслы юрттэт возьматӥллям. Соку ик Гном нырысетӥзэ кун наградазэ басьтэм: ожгарчиез «За спасение погибавших» медален пусйизы. Со сяна, Гном - Шаймуратовлэн медалезлэн, «За храбрость 2 степени» медальлэн, 428-тӥ полклэн «За освобождение Донбасса» медалезлэн кузёзы. 2024-тӥ арысь пӧсьтолэзьысен Гном дронъёсъя ӧнерчи луэ. Артур Юмагужинлэн кылъёсызъя, туала ожмаськонын беспилотникъёс валтӥсь инты басьто.
(Быдэсак лыдӟе газетысь).
Новости партнеров