1500 егитъёс «иВолга» форуме пыриськозы

Ужрад «Молодёжь и дети» национальной проект улсын ортче. Отчы дизайнеръёс, тодосчиос, ужбергатӥсьёс, егит семьяос но мукетъёс пырисько. «Со огшоры форум ӧвӧл. Со тунсыко шудон выллем ортче. Отын дышетон но лулчеберет, грант басьтыны но ужаны интыяськыны луонлык огазе пӧлэстӥськемын», - вера Башкортостанысь егитъёслэн политиказыя министр Вито Сабиров. Форуме пыриськыны мылкыд карисьёслэсь заявкаоссэс тямыс ӧръя куто. Соосты 24-тӥ куарусёнозь келяны луоз.

Фото: иВолга / vk.com