Каймашабашын "Поле чудес" ортчиз

«Семья и семейные ценности» темая шудонэ Янаул ёросысь удмурт гуртъёсысь анай кылзэс гажась но сое азинтӥсьёс  пыриськизы. Зэмос «Поле чудес» программаын сямен ик шудон куинь турлэсь радъямын вал. Ужрадэз нуисьлэн Зинфира Ибраевалэн йыртӥянъёсызлы валэктон шедьтыны тыршизы  Андреевка, Барабановка, Наняды, Шудек гуртъёсысь удмурт кылэз тодӥсьёс но асьсэос кузёос. Котькуд шудӥсь ужрадэ, кузьым  карыса, ансамбленыз  ӵош шулдыр кырӟан-эктон ваиз.   Озьы «Поле Чудес» шудонзы зэмос концерт программалы пӧрмиз.

Каймашаын ортчем ужрад шудӥсьёслэсь анай кылзэс юн гажамзэс но сое мур тодэмзэс возьматӥз. Котькудӥз шудӥсь ассэ учкымон  но синмаськымон адӟытӥз ке но, ужрадын Нанядыысь Лилия Гарифуллина вормисе потӥз.

Фото: Барабановский СК