Калыкъёслэн эшъяськонзылы сӥзем фестиваль сюрессэ азьланьтэ

Куинь толэзь ӵоже Культурая дворец ёросысь гурт поселениосысь делегациосты пумиталоз. Соос калыклэсь лулчеберетсэ, кибашлыослэсь ужъёссэс возьматозы, дано адямиосын тодматозы.
Фестивалез нырысетӥен усьтӥзы Вуж Балтач, Кунтугуш но Штанды гурт поселениос. Нош кылем арняын Тошкур, Шавьяды но Улысь Сикияз гурт поселение пырись гуртъёс фестивальын быгатонлыкъёссэс возьматӥзы. Асавкаын улӥсьёс но мыло-кыдо пыриськизы. «Нырысетӥ нунал «В единстве народа - сила страны» адӟытонъёслы сӥземын луиз. Отын ми гуртысьтымы дано адямиосын, геройёсын тодматӥм. Удмурт калык дӥськутъёсты, юрт котырын кутӥськись арбериосты возьматӥмы, - вера Асавка клубысь культорганизатор Лидия Пукрокова. - «Территория единства» мастер-классын киужъёслы усточи Рита Аллаярова курикен керттӥськыны дышетӥз. Мылкыд карисьёс мастер-классын курикен керттӥськыны, пӧртэм пужыос пӧрмытыны дышетскизы». 

(Быдэс материалэз лыдӟыны луоз газетлэн 7-тӥ номерысьтыз).