Турын-куаръёсын чай мугорез кыдатэ

Калтасы ёросысь Бадӟым Туганеево гуртысь кышномуртъёс кузь тол ӝытъёссэс пайдаен ортчыто. Шуныт, югыт но выль клубазы соос ӵем гинэ ӵошен люкаськыло. Кылсярысь, та нуналъёсы кышномуртъёс «За чашкой чая» ужрадэ пыриськизы. Гужем бичам турын-куаръёсынызы пӧсь чай юыса, улонысьтызы пӧртэм учыръёсты тодазы вайыса, кышномуртъёс вераськыса но серекъяса ӝытсэс шулдыр ортчытӥзы. Со сяна, ужрадэ вуэмъёс пӧртэм турынъёслэсь тазалыклы кулэлыксэ тодӥзы. Угось вашкалаосмы висёнъёсты турын-куаръёсын эмъязы. Туала арын но турынъёсты улонэ кутӥд ке, мултэс уз луы.

Фото: Большетуганеевский сельский клуб