+22 °С
Зоръёслэн
Общество
14 февраль , 06:40
Выль Татышлыын этно-социальной марафон ортче
Туннэ, 14-тӥ феврале, Татышлы ёросысь Выль Татышлы гурт трос куноосты пумитаз. Башкортостанысь удмуртъёслэн лулчеберетъя центразы "В единстве - сила" этно-социальной марафон ортче. Со «Трезвое село» республика конкурс улсын радъяське.
Выль Татышлыын этно-социальной марафон ортче
Марафонлэн нырысетӥ люкетаз тодмо удмурт суредасьлы Менсадык Гариповлэсь бюстсэ усьтӥзы. Отчы Менсадык Гариповичлэн нылыз, эшъёсыз, тодмоосыз, гуртоосыз пыриськизы. Туэ 16-тӥ феврале М. Гариповлы 80 арес тырмысал. Россиысь сӥё-дано суредась Татышлы ёросысь Бальзюгаын вордӥськемын. Гуртаз соин данъясько, сое котьку буре ваё. Туннэ «Улыбка Менсадыка» суредъёсъя конкурслы йылпумъянъёс но лэсьтозы.
Фото: Алексей Самирзянов.
