Этно-социальной марафон улсын бадӟым конференция ортчиз

Соос пӧлын «Этнокультурное наследие Менсадыка Гарипова в системе воспитания здорового поколения» конференция валтӥсь инты басьтӥз. Со дано суредасьлэн 80 ар тырмонэзлы сӥземын вал. Отчы Менсадык Гариповлэн нылыз, ӵыжы-выжыосыз, тодмоосыз пыриськизы. Соос шумпотэмзэс веразы, Башкортостанысь пичи удмурт гурт дано суредасез будэтыны быгатӥз шуыса. Конференция кык пӧртэм регионъёсты огазеяз. Отчы Удмурт Элькунысь но трос куноос пыриськизы угось. Татышлы ёрос администрациен кивалтӥсь Фанур Шайхисламов соослы Башкортостанысь удмурт нылпиослы вордскем шаеренызы, тодмо улосчиосынызы данъяськон мылкыд пыӵатыны юрттэмзы понна тау кариз.

Конференция сярысь пыр-поч гожтомы газетмылэн вуоно номераз.