Медальёсын пусйизы

Отчы Балтач, Караидель, Мишкино, Татышлы ёросысь делегациос но вуылӥзы. Ужрадэз усьтыса вераськиз «Защитники Отечества» кун фондлэн Башкортостанысь филиалэныз кивалтӥсь Гульнур Кульсарина. Со нимысьтыз военной операциын бырыны шедем ожгарчиослэсь анайёссэс, атайёссэс медальёсын пусйиз. Шаермес утись дано удмурт пиослэн матысьёссы но соос пӧлын луизы. «Женщина – мать нации» медаль сётэмын Асавка гуртысь Залия Галиевалы. Улысь Балтачысь Евгений Адуллин ужрадысь «Отец защитника Отечества» медален бертӥз.  

- Дано пиосмы шаермы понна улонзэс сётӥзы. Соослэн нимъёссы ноку уз вунэ, - вераз Г. Кульсарина. – Та медальёс пыр ми тау кылъёсмес вераськом анай-атайёслы, кышкасьтэм, оскымон пиосты – зэмос геройёсты - будэтэмзы понна.

Фото: Администрация Балтачевского района