Выль Татышлыын этно-социальной марафон ортчоз

Россиысь сӥё-дано суредась Татышлы ёросысь Бальзюга гуртын вордӥськемын. Татын соин данъясько, сое котьку буре ваё. 14-тӥ феврале бальзюгаос «Трезвое село» республика конкурс улсын дано суредасьлы сӥзем конференция радъялозы. Отчы Менсадык Гариповлэн нылыз, эшъёсыз, тодмоосыз, гуртоосыз пыриськозы. Соосты Выль Татышлыын Башкортостанысь удмуртъёслэн лулчеберетъя центразы пумиталозы. Та нуналэ ик  суредъёсъя «Улыбка Менсадыка» конкурслы йылпумъянъёс лэсьтозы. Нош собере «В единстве сила» этно-социальной марафон шулдыр концертэн азинтӥськоз. Со сяна, та нуналэ семьяослэн фестивальзы радъяськоз, нош кинъёс ке фитболэн но шудозы. Туннэ, 12-тӥ феврале, ужрадэз дасясьёс черодысь кенешоназы люкаськизы. Уго азьпалан соосты бадӟым уж вите. Ӵошен гинэ сое пайдаё ортчытыны луоз.