Нылпиос тужгес но кулэ луись ужез быдэстӥзы

Тылобурдоослэсь улонзэс капчиятон вылысь Пермь шаерысь Кипчакысь нылпиос тужгес но кулэ луись ужез быдэстӥзы. Гуртысьтызы клубе люкаськыса, ӵошен соос бурдоослы кормушкаос тупатӥзы. Асьсэлэсь ужъёссэс соос пӧртэм ласянь чеберъяны тыршизы. Яркыт кормушкаоссы шулдыр гужемез син азе пуктыны юрттӥзы. Табере нылпиослэн киосынызы лэсьтэм макеосысь тылобурдоос одно ик сиён шедьтозы, кезьыт тол куазен отчы ватӥськыны быгатозы.

Фото: Кипчакский сельский клуб