Азинскыны выль луонлыкъёс кылдо

Янаул ёросысь Сандугачысь школаын Арлян, Барабановка, Максим, Норкан, Сандугач, Рабак гуртъёсысь 104 нылпи дышетске. Соосты пӧртэм ужрадъёсысь, конкурсъёсысь пумитаны луэ. Алигес школаын нылпиослэн инициативаоссыя центр усьтӥзы. Сандугачъёслэн таӵе луонлыксы кылдӥз «Движение Первых» огазеяськонлэн первичной ёзэтэзлэн грантъёсъя конкурсэз улсын. Школа выль ӝӧкъёслы, пуконъёслы узырмиз. Табере огазеяськонэ пыриськисьёслэн ӵошен ужаны, малпанъёсынызы люкиськыны, проектъёс гожъяны, мастер-классъёс но мукет ужрадъёс ортчытъяны луонлыкъёссы паськытазы. Та ужын дышетскисьёслы юрттэ директорлэн визьноданъя советникез Гелена Алексеева. 

Фото: Управление образования Янаульского района