"Горд кужым" СПК-лэн кузьымез понна волейболъя ӵошатскон ортчиз

Ӟеч сямлы пӧрмемын ни Пермь шаерысь Куеда округысь Бадӟым Гондырын "Горд кужым" СПК-лэн кузьымезлы ӵошатскон радъян. Туэ со сизьыметӥ тулыспалэ ортчиз. Спорт ужрадэ Бадӟым Гондырысь, Лысьваысь, Вылысь Саваысь, Чернушкаысь нылъёслэн но Бадӟым Гондырысь, Чайковскийысь, Нефтекамскысь, Вылысь Саваысь, Куедаысь пиослэн командаоссы пыриськизы. Ӵошатсконын котькуд команда зол шудӥз. Озьы ке но, пиос пӧлын вормон Нефтекамскысь командалы пальпотӥз. Кыкетӥ интыез кузёос басьтӥзы. Куинетӥын Чайковскийысь команда луиз. Нылъёс пӧлын бадӟым гондыръёслы вуисьёс ӧз луэ. Кыкетӥ но куинетӥ интыосты лысьваос но вылысь саваос басьтӥзы. Ужрадын тужгес усто шудӥсез бырйизы на. Нылъёс пӧлын Дарья Тимершина усто шудӥсен лыдъямын. Та нуналэ ужрадэ пыриськисьёс пӧлын кузьым но шудытӥзы. Солэн кузёез Светлана Меншараева луиз. 

Фото: Дом Спорта Большой Гондыр