Янаул ёросын "СВОи в спорте" фестиваль ортчиз

Отчы Янаул, Балтач, Бурай, Калтасы, Татышлы ёросъёсысь, Пермь шаерысь Куеда ёросысь, Удмуртиысь нимысьтыз военной операциысь ветеранъёс, чечен, афган ож пыр потэм воргоронъёс, арми улонэз веръям пиос пыриськизы. Соос армрестлингын, мас-рестлингын, дартсын, пневматической винтовкан ыбылӥськонын, ӝӧквыл теннисын но спортлэн мукет видъёсаз кужымзэс эскеризы. Ӵошатскон «Трезвое село» республика конкурс улсын ортчиз.

Та вакытэ гуртысь культура юртын «СВОи дома» котырес ӝӧк сьӧрын вераськон радъяськиз. Отын валтӥсь инты висъяськиз нимысьтыз военной операцие пыриськись ожгарчиослы, соослэн семьяоссылы. Уго республикамылэн тӧроез Радий Хабиров но Кун Собранилы-Курултайлы вазиськоназ та ужпумлы бадӟым саклык висъяз.