Сюрес вылын сак кариськоно

Со сярысь вераз республикаысь транспортъя но сюрес хозяйствоя министр Любовь Минакова. «2025-тӥ арлы йылпумъянъёс лэсьтоно ке, ДТП-ос 9,5%-лы ӧжытгес луиллям, отын сӧсырмемъёслэн лыдзы 10,5%-лы кулэсмем», - вера ведомствоен кивалтӥсь.

Тодады вайытӥськом, республикаын межведомственной комиссия ужа. Отчы сюрес службаын, ГАИ-ын ужасьёс, экспертъёс пыро. Соос сюрес вылын луэм авариослэсь мугзэс шедьто, эскеронъёс ортчыто. «Эскеронъёс бере, со интыосын ДТП-ос уг луо ни. Межведомственной комиссилэн уженыз сэрен, берлось сизьым ар ӵоже ДТП-ын кулэмъёслэн лыдзы 32%-лы кулэсмем. ПДД-ез тӥясьёсты шараян вылысь сюресъёсы фотовидеофиксация лэсьтон 1877 комплекс юнматэмын. Туэ но та ӧръя ужмес азьланьтомы», - вера Л. Минакова.

Кылем арын Башкортостанын «Инфраструктура для жизни» нацпроектъя 127 светофор пуктэмын, 700 иськем сюрес тупатэмын, 11 выж лэсьтэмын, пыдын ветлон сюресъёс кузя 33 иськем ограждениос но 10 сюрслэсь ятыр дорожной знакъёс пуктэмын, 72 иськем тротуар тупатэмын но мукет.