Школаын «Зарница» ортчиз

Татышлы ёросысь Выль Татышлыысь полилингвальной школаын ортчем «Зарница» военно-спортивной шудон ёросысь 11 командаез огазеяз. Со нимысьтыз военной операциын бырыны шедем калык героез Фанис Хусаиновез буре вайыса радъяськиз. Спорт ужрадэ Татышлы ёрос администрациен кивалтӥсь Фанур Шайхисламов, солэн социальной ужпумъёсъя воштӥсез Альфия Шайнурова но ожгарчилэн анаез Фарида Хусаинова пыриськизы.

Ӵошатсконэ 8-9-тӥ классъёсын дышетскисьёс вуизы. Котькуд команда кужмо, кышкасьтэм луэмзэ, ӵошен ужаны быгатэмзэ возьматӥз. Нылъёсты но пиосты пӧртэм эскеронъёс витизы. Соос ваньзылы капчиен ӧз сётске ке но, котькин финише ӝог вуон, заданизэ быгатыса лэсьтон сярысь малпаськыса ӵошатскиз. Вормисьёсты 8-тӥ но 9-тӥ классъёс пӧлын бырйизы.

Тямысэтӥос пӧлын нырысетӥ интыын луиз Выль Татышлыысь школалэн командаез, кыкетӥ интыын – Вылысь Татышлыысь М. Бадретдинов нимо лицейлэн, куинетӥ интыын – Вуж Кайпанысь школалэн.

Укмысэтӥ классъёс пӧлын кужмо луизы Вылысь Татышлыысь Г. Сокорой нимо гимназиын дышетскисьёс. Кыкетӥ интые потӥз Бадряш школалэн командаез, нош куинетӥ интыез люкизы вуж курдымъёс но шулганъёс.

Фото:Администрация Татышлинского района