Культура юртын СВО-ын бырем ожгарчилы сӥзем ужрад ортчиз

Программаез радъясьёс нылпиосты ожгарчилэн улон сюресэныз тодматӥзы. Егит пиосмуртлэн нимысьтыз военной операцие вуэмез но солэн подвигез сярысь веразы.

Вераны кулэ, кема ӧвӧл ожын бырем пиосмуртлэн анаез Людмила Афанасьевна гуртысьтызы культура юртэ теннисэн шудон ӝӧк кузьмаз. Соин сэрен азьпалан Шудек гуртын ӝӧквыл теннисъя турниръёс ортчытыны чакламын. Спорт ужрад Александр Джиоевлы сӥземын луоз.

Фото: Шудекский СДК