Выль укноос – нылпиослы кузьым

Кенешонэз гурт поселениен кивалтӥсь А. Ф. Габсалямов радъяз. Азат Финаратович азьвыл аръёсы ППМИ улсын быдэстэм ужъёссы сярысь вераз, конкурслэн куронъёсыныз тодматӥз. Кенешонын калык огмалпанэ вуиз – ваньзы проектэ пыриськонлы дурбасьтӥзы, «Капитальный ремонт окон здания МБОУ СОШ имени Героя Советского Союза Хайдарова Амира Сулеймановича с. Верхнекудашево» проект понна куаразэс сётӥзы. Уго школаез ӝутэмзы дырысен – 1983-тӥ арысен – татысь укноосты вошъяллямтэ. Гурт калык ӟеч вала, укноос вуж луэмен, школаын кезьыт шуыса. Вуж укноос нылпиослэн улонзылы но кышкытлык ваё. Укноосты выльдӥзы ке, школаын шуныт, югыт луоз. Оскиськом, проектмы вормисьёс пӧлын луоз, малпанмы быдэсмоз шуыса. Соин инициативной группалэн ёзчиосыз ППМИ улсын трос ужрадъёс ортчытъян сярысь сюлмасько. Отчы бадӟымъёс но, нылпиос но мылысь-кыдысь пырисько.

Эльвира АВХАДИЕВА, инициативной группалэн ёзчиез.