«Лодӥга» шудонэз тодазы ваизы

Отчы Татышлы ёросысь Выль Татышлыысь полилингвальной школаысь пиналъёс ӵемысь вуыло. Татын палэнысь куноосты но ӵемысь пумитало. Нош одӥгаз нуналэ нылкышноослэн ИКЦ бордысь  «Эшъяськон тугоко» клубазы пыриськисьёс люкаськизы. Пумиськонзылэн мугез калык сям-йылолъёсты, шудонъёсты утёнэн но сое нылпиос пыр азинтонэн герӟаськемын вал. «Лодӥга» шудон азьвыл паськыт вӧлмемын ке вал, туала вакытэ сое тросэз вунэто ни. Соин татын калык шудонэз улӟытыны малпазы. Пумиськон удмурт коркан ортчиз. Отын Башкортостан Республикаысь гурт удысысь сӥё-дано ужась  Ханиф Баймиев «Лодӥга» шудонъя мастер-класс возьматӥз.