Бадӟым удмурт диктантлы дасяськон кутскиз

Со 11-тӥ оштолэзе радъяськоз.Та нуналъёсы акциез радъясь комитет люкаськылӥз, ивортэ «Удмурт Кенеш» огазеяськон.   

Бадӟым удмурт диктант Россиысь калыкъёслэн огъя луэмзылэн арезлы. Текст гожтоз асьмелэн улосчимы, Вань удмуртъёслэн «Удмурт Кенеш» огазеяськонзылэн ёзчиез Наталья Михайлова.

Удмурт диктант «Мынам Удмуртие» радио но «Удмуртия» телеканал пыр ортчоз, кутсконэз - 13.00 часын. Озьы ик вань мылкыд карисьёс понна городъёсын но ёросъёсын нимысьтыз площадкаос усьтэмын луозы.

Акци «Удмурт Кенеш» огазеяськон, «Удмуртия» телерадиокомпани, Удмурт кун университет кичӧлтэмъя но Йӧскалык политикая министерстволэн юрттэмез улсын радъяське.

Туспуктэм: «Удмурт Кенеш» огазеяськон