Егитъёс шутэтскон программае пыриськизы

Гуртысьтызы школазэс йылпумъяса мукет дышетскон юртъёсын тодон-валан басьтӥсь егитъёс вордскем гуртазы быгатэмзыя арнялы быдэ вуо. Ӝытъёсы соос ӵем гинэ культура юртэ люкасько. Гуртысьтызы культура удысын тыршисьёс  егитъёсты шумпотыса пумитало, шутэтскон вакытсэс шулдыр но пайдаен ортчытыны юртто.

Кылсярысь, та нуналъёсы егитъёс  кункурсъёсын шутэтскон программае пыриськизы. Ӵошен соос ужрадэз нуисьёслэн кескич юанъёссылы валэктон утчазы, йыртӥянъёсты сэрттӥзы-пертчизы. Со сяна, егитъёс асьсэлэн анай-атайтэк «эрико» улонзы сярысь веразы, пӧртэм югдуръёсы шедемъёссэс шарае поттӥзы.

Ӝыт ужрад шулдыр дискотекаен йылпумъяськиз. Шутэтскон программае пыриськисьёс доразы капчи мылкыдэн берытскизы.

Фото: Большекачаковский Сдк