Школаын Россиысь калыкъёслэн огъя луонзылы сӥзем арез усьтӥзы

Школаен кивалтӥсьлэн советникез Р.Ф. Камидуллина «Орлята России» но «Движение Первых» огазеяськонъёсы пыриськись нылпиосын ӵош бадӟым праздник ортчытӥзы.  Ужрадэ школаын дышетскись нылпиос гинэ ӧвӧл, Краснохолмскийысь культура юртысь «Иэншишмэ» башкир, «Мурпамаш» пор но «Ошмес» удмурт коллективъёс пыриськизы.

Ужрадэ вуэм куноос анай кылынызы кырӟанъёс быдэстӥзы, йӧскалык эктонъёсынызы тодматӥзы. Со сяна, нылпиос вордскем шаерзы сярысь кылбуръёс лыдӟизы.

Ужрад «Моя Россия» кырӟанэн йылпумъяськиз. Огазе люкаськемъёс, ӵошен кутӥськыса, «Круг дружбы» эктон быдэстӥзы.

Фото: Краснохолмская СОШ №2