Кырын шудон пичильтокъёслэсь мылкыдзэс ӝутӥз

Та нуналэ нылпиослы мӧзмыса улыны вакыт ӧз шедьы. Визьнодасьёс соослэсь нуналзэс шулдыр но тунсыко карыны тыршизы. Пичильтокъёс конкурсъёсы но эстафетаосы мылысь-кыдысь пыриськизы.

Шудон программазы синмаськымон пӧрмиз. Кезьыт куазь пичи нылпиослэсь бамъёссэс чепылляны малпа вал ке но, тэтчаса но бызьылыса пичильтокъёс кынмыны ӧз вуэлэ. Кырын шудыса нылпиослэн мылкыдзы ӝутскиз, угось соос вакытсэс пайдаен ортчытӥзы.

Фото: МБДОУ ДС «Италмас» с. Шудек