Президент грантъёсъя фондлэн нырысетӥ конкурсэзлэн йылпумъянъёсыз тодмо луизы

Шаерысьтымы некоммерческой организациос отчы огъя укмыс сюрслэсь трос проект келязы. Вормисе потӥз 1,5 сюрс некоммерческой организация. Соослы малпанзэс быдэстыны огъя вить миллиард манет коньдон сётӥськоз.Вормисьёс пӧлы шедиз Татышлы ёросысь Улысь Балтач гурт поселенилэн «Надежда» АНО-езлэн «Чистая деревня» проектэз но. Со сизьым толэзь ӵоже быдэстӥськоз. «Проект милемлы паськыт сюресъёс усьтэ,- гожтэ вотэс бамаз Улысь Балтач гурт поселениен кивалтӥсь Э. Б. Рахимзянов. – Гуртъёсмес чылкытгес но чебергес карыны быгатом.  Калыкез инкуазез, дор музъемзэ гажаны дышетом».