+24 °С
Зоръёслэн
Общество
14 январь , 15:52
Анай кылъя но литературая олимпиада ортчиз
13-14-тӥ толшоре Стерлитамакысь кыкетӥ номеро интернат-лицейын анай кылъя но литературая республика олимпиада ортчиз. Отын Башкортостанлэн пӧртэм городъёсысьтыз но ёросъёсысьтыз 175 пиналъёсты пумитазы.
Анай кылъя но литературая олимпиада ортчиз
Та нуалъёсы дышетскон юртын зэмос эшъяськон кузёяськиз. Татын бигер, мордва, пор, удмурт, чуваш кылъёсын вераськем куараос кылӥськизы.
Олимпиадалэн валтӥсь люкетэз 13-тӥ толшоре ортчиз. Та нуналэ нылпиослэсь тодон-валанзэс сыназы. Удмурт кылъя но литературая висъетын Балтач, Кушнаренко, Татышлы, Янаул ёросъёсысь 9-тӥ но дасэтӥ классъёсын дышетскисьёс ужазы. Туэ соослэсь ужзэс Татышлы ёросысь Кальтяево школаысь Л. А. Хазипова но Янаул ёросысь Каймашабаш школаысь З. С. Ибраева дунъязы. Кыкетӥ нуналэ олимпиадаын вормисьёсты данъязы.
Олимпиада сярысь пыр-почгес лыдӟыны быгатоды газетмылэн матысь номеръёсысьтыз.
