+28 °С
Салкым
Общество
12 январь , 14:55
ДТП-ын бырисьёслэн лыдзы кулэсмиз
2026-тӥ арысь 1-11-тӥ толшоре Башкортостанысь сюрес вылын 44 ДТП луиз. Кылем арысь та дырен ӵошатыса, со 28 аварилы ӧжытгес.
ДТП-ын бырисьёслэн лыдзы кулэсмиз
Республикаысь транспортъя но сюрес хозяйствоя министрлэн Любовь Минаковалэн кылъёсызъя, ДТП-ын 60 адями сӧсырмиз. Кылем арысь та дырен ӵошатыса, со 39 адямилы ӧжытгес. Сюрес вылын тямыс адями быриз. Кылем арын толшор толэзьлэн нырысетӥ нуналъёсаз ньыль адямилэн улонэз чигиз.
Башкортостан Республикалэн тӧроез Радий Хабиров министрлэсь кылем арын сюрес вылын быремъёслэсь лыдзэс юаз. «2025-тӥ арын ДТП-ын 375 адями быриз, 2024-тӥ арын – 397», - вераз Любовь Минакова.
Азьланяз та лыдпусъёсты кулэстон бордын трос ужъёс нуиськозы.
Фото: Валерия Любина / графика
