Толшорын Башкортостанысь трос нылпиен анайёслэн пенсизы будэтэмын луоз

Пенсизылэсь будэмзэ шӧдозы та вакытэ пенсиын шутэтскись вить яке солэсь тросгес нылпиен анайёс. Россиысь социальной фонд 400 сюрс нылкышнолэсь пенсизэ будэтӥз. Социальной фондлэн Башкортостанысь ёзэтэзлэн ивортэмезъя, республикаын 23527 нылкышнолэсь пенсизэ будэтозы. Та вакытэ Башкортостанын трос нылпиен анайёслэн лыдзыя азьпалан луо Баймак ёрос (977 адями), Абзелил ёрос (728 адями), Стерлитамак ёрос но Стерлитамак город (676 адями).  

Туспуктэм: ИА "Башинформ"