Янаул ёросын Спортлы но тазалыклы сӥзем декада кутскиз

Тазалыко улонэн эшъяськисьёс декада улсын уянъя, ӝӧквыл теннисъя, мас-рестлингъя но дартсъя кужымзэс эскеро. Ӵошатсконын нимысьтыз но командаос пӧлын вормисьёсты пусъё. Спорт ужрадэ производственной коллективъёсысь, организациосысь, учреждениосысь, гурт поселениосысь командаос пырисько.

Куинетӥ толшоре «Дулкын» бассейнын уянъя ӵошатсконъёс ортчизы. Отын дас командаос кужымзэс эскеризы. Воргоронъёс 50 метре уязы, кышномуртъёс – 25 метре.

Нылкышноос пӧлын нырысетӥ интыын луиз Людмила Лобанова, кыкетӥ интыын – Элина Хасанова, куинетӥын – Екатерина Савельева. Пиосмуртъёс пӧлын вормиз Расим Хасанов. Кыкетӥ но куинетӥ интыосын луизы Дмитрий Минликузин но Ильхам Кадырмаев. Командаос пӧлын нырысетӥ интые потӥз Янаулысь ЦРБ, кыкетӥ интыез люкизы «Колокольчик» нылпи садлэн но Вуж Вараш гурт поселенилэн командаоссы. Янаул ёрос администрацилэн командаезлы куинетӥ интыен буйгатсконо луиз.     

Фото: МАУ ДО СШ "Юность" г.Янаул