Выль Татышлыын Александр Сабанчинлэн кузьымез понна волейболъя ӵошатскон ортчиз

Туэ со кыкетӥ ползэ радъяськиз но спортлэсь та видзэ яратӥсь трос спортсменъёсты люказ. Кылем арын волейболъя ӵошатсконэ пиослэн гинэ командаоссы пыриськизы ке, туэ нылъёс но ужрадын кужымзэс эскеризы. Пиослэн шудонзы Выль Татышлыысь культура юртлэн спортзалаз радъяськиз, нылъёслэн – полилингвальной школаын.

Александр Ивановичлэн кузьымез понна ӵошатсконэ огъя дас одӥг команда вуиз. Ваньзы соос кужмоесь адӟиськизы. Котькудӥз команда вормон мылкыдын вуэм шуыса шӧдӥське. Соин волейболъя ӵошатскон ӟырдыт пӧрмиз. Пиос пӧлын туэ но вормисе потӥз Улысь Балтач гурт поселенилэн командаез, нылъёс пӧлын нырысетӥ интыын луиз Выль Татышлыысь полилингвальной школаын дышетскись нылъёслэн командазы.