Семьялэн кужымез яратон, ог-огдэ валан бордын

Гуртын улӥсь трос нылпиен семьяослэн лыдзы арысь аре кулэсме. Тросэз егитъёс город улонэз быръё ке но, сюлмынызы вордскем гуртсы борды биниськемъёс но вань.
Татышлы ёросысь Улысь Балтачысь Маргарита но Виталий Саяфаровъёс улонзэс гуртэн герӟазы. Армиысь бертэм егит пияш одӥг ӝытэ Кызыл-Яр гуртысь егит нылэн тодматскиз. Кык сюлэмъёс куспын яратон тылгизьы ӝуатскиз. Со дырысен соос ӵош. 2006-тӥ арын семья кылдытыса, егит кузпалъёс уж сюрессэс гурт хозяйствоысен кутскизы.

«Семья – со бадӟым шумпотон. Семья - со кузпалы - оскымон тыбыр пыкетэ, зарнилэсь но дуно, мусо нылпиосы, сюлэмелы матын луись ӵыжы-выжыосы. Соостэк улонме син азе пуктыны уг быгатӥськы», - вера Маргарита. Нош шудо семьялэн инъетэз сярысь юанэлы со шуиз: «Шудо семьялэн инъетэз яратон, ог-огдэ валан, ог-огедлы юрттон, ог-огедлы оскон бордын».

(Быдэсак материалэз лыдӟе газетмылэн 50-тӥ номерысьтыз).