Проектъёс улон интыосты ӟечомытыны юртто

Башкортостанын 2019-тӥ арысен «Формирование комфортной городской среды» федерал проектъя 806 калыко интыос тупатэмын. Со сярысь ивортӥз регионысь ЖКХ-я министр Ирина Голованова.

2025-тӥ арын та ӧръя уж «Инфраструктура для жизни» нацпроект улсын азьланьтэмын. 2030-тӥ арозь республикаын 930 общественной интыосты лэсьтыны чакламын.

- Федерал бюджетысь пырем 1,1 млрд манет коньдонэн туэ регионын 100 объектъёс выльдэмын, лэсьтэмын. Со сяна, 70 объект республика бюджетысь но проектъёсъя тупатэмын, - вера И. Голованова.

Башкортостанын «Лучшие проекты создания комфортной городской среды» быдэсросси конкурсын вормисьёс но калыко интыосты тупатонын трос уж быдэстӥзы. Та проектъёслы огъя 6,6 млрд манет коньдон кошкем. Со пӧлысь 3,3 млрд манетэз – федерал бюджетысь. Туэ та конкурсын вормисе потӥзы Октябрьский, Дюртюли, Чишмы, Вылысь Яркеево но Кушнаренко. Вуоно аръёсы (2026-2027) отысь общественной интыосты туала улонлэн куронъёсызъя лэсьтозы.  

Фото:правительство Башкирии / официальный сайт