Выль Зирганын обелиск усьтӥзы

Нимысьтыз военной операциын бырыны шедемъёслы обелиск усьтӥзы Хайбулла ёросысь Выль Зирган гуртын. Выль Зирганын башкиръёсын ӵош отын удмуртъёс но уло.Та нуналэ ик тупатон ужъёс бере гуртысь клубез усьтӥзы.

Обелискез усьтонэ ёрос администрациен кивалтӥсь Р. Д. Шарипов, гурт поселениен кивалтӥсь Р. И. Тасбулатова, нимысьтыз военной операцие пыриськисьёс, школаын дышетскисьёс, гурт калык пыриськизы.

- Обелиск асьмелэсь шыпыт улонмес утисьёслы тау кареммес возьматэ. Вордскем музъеммы понна бырыны шедем ожгарчиосмес ноку ум вунэтэ. Та обелиск борды пыӵамын ыштонъёсын сэрен виясь курыт синвуос, ӟечезлы но вормонлы оскон, - вераз ёрос администрациен кивалтӥсь. - Та памятник калыкез огазеясь интылы пӧрмоз. Татчы адямиос лыктозы геройёслы тау карон понна. Соослэн подвигъёссы вылын визьнод люкалозы пиналъёс.
Торжественной люкет бере люкаськем калыкез клубе ӧтизы Отын соосты калык дӥськутъёсын кышномуртъёс башкир, ӟуч, удмурт пӧръёсын пумитазы-куноязы. Собере учкисьёсты шулдыр концерт витиз.

Фото: Администрация Хайбуллинского района