Алтаулэн историез выль книгае пыӵаз

Выль книгаен тодматскон ужрад гуртысьтызы библиотекаын ортчиз. Отчы Алтауын вордскем но будэм тодмо гожъясь Ульфат Бадретдинов но вуиз. Ульфат Шайхутдинович книгалэн редакторез но издателез луиз.

Кабитян Нигаевич трос аръёс ӵоже Алтау гуртлэсь воштӥськонъёссэ нимысьтыз тетраде гожъяса мынӥз. Солэн книгаяз умой адӟиське кызьы арысь аре Алтау гуртысь калыклэн лыдыз кулэсме, кузётэм коркаослэн лыдзы будэ. Кабитян Фаршатов лыдпусъёс пыр удмурт гуртлэсь историзэ возьматыны быгатӥз.

Кабитян Нигаевич Кузбаево гурт поселениен кивалтӥсьлы Ф.Б. Закировлы, Ижевскысь гожъясьлы Л.Г. Бадретдиновалы, Уфаысь типографиын ужасьлы З.Ш. Бадретдиновалы книгазэ поттыны коньдонэн юрттэмзы понна, В.С. Мардановлы туспуктэмъёсыныз люкиськемез понна тау карон кылъёссэ вера.

Со сяна, ужрадэ пыриськисьёслы Ульфат Бадретдинов аслэсьтыз книгазэ кузьмаз.

Фото: Трезвое село 2024 - Алтаево